ابوذیات غاضبات
احن واصنع لحن لجلک و اداویـــک (اداویک)
سئلت الناس عن بیتک و داویک ( ودی اجیک)
اجیتک مشتعل گلبی و اداویک ( ادویک معی)
لان دویتنی او نارک ســــــــــــــریه
***
یحن گلبی علی طیبک و عینــاک (اعیونک)
شفت رسمک شلع روحی و عیـناک ( نظرناک)
انقدرت ابیوم هل غیضک و عیناک ( علمناک)
اتذکّر واشکر احباب الابیــــــــــــــه
***
الگلب غضبان لجلک لا تلومه ( لا تلومه)
او دمّی سال دونک لا تلومــــه(لا تلمه)
هجرت اسنین حبک لاتلومه ( لات لامه)
عفتنی اوحید ادگ واصفگ بدیــــــه
***
الدهر هدّم مضایفنه و شرنــه (شرنه)
ما فاده لطایفنه و شرنــــه ( زعلنه)
ابقدره دگ مهر حده و شرنه ( اشرالنه)
عگطنه ابلوذت الماله هویــــــــه
***
الدهر یا یوم صادقنه و حبــــــنه ( حبنه)
اکل ثمرت زرع جدنه و حبنــــه ( حبوبنه)
انتظر معروف من ربک و حبنه ( یوحی بنا )
یسلّمنا علی حامی الحمـــــــــــیه
***
الدهر ناطور حطّا نی وسبنــــــــی ( سبانی)
تعده او عال بجدادی و سبنــــــی ( شتمنی)
علی کرهه انکشف و اظهر وسبنی ( وصه ابنی)
یوز ابنه ابغفل یزعل علـــــــــــــیه
***
الزمن ما امّن ایامه و دهـــــره ( زمانه)
ما هو ابحگ اشوفنه و ادهـــره ( واداهره)
ابشیبی احسب ایامه و دهره ( ودی اراه)
و اراویه اشفعل و اشعمل بیـــــــه
***
الوکت آهات شرّبنی و گطنــی ( ترکنی)
علی جرف الندم جرنی و گطنی (قطنی)
اشتظن ما فاد حاسبته و گطنی ( گطن)
حصد و اهدا او حرگ زرعی اباذیـــه
***
الوکت دمّر ثنایانه واهلنــــه ( اهلنه)
گمرنه ما بزغ واشرق و هلنه ( هل النه)
یربی زیل عازتنه و هلنه ( من حالنه)
عرانه الوکت وابن الزمهریــــــه
***
احترگ گلبی ابفحم حارگ واداوی (داوی)
الدهر خربط فرح گلبــــی و داوی (داو)
ابزوده یجرح ابفکری واداوی ( انه اداوی)
اخیط بلجرح وایگص بدیـــــــــه
***
عتب ما فاد وی دهــری وزاری (اخیاطی)
و اخذ منّی ابشتاء گوتی وزاری ( ایزاری)
گطع یمنای بحروبــــه وزاری (زری)
اهاجم بلنثر حد المنـــــــــیه
***
تعده او طوف درب الحک وریتک ( یا ریتک)
علی ادروب العده ابنظمی وریتک ( راویتک)
سبع عطشات من گلبی وریتک ( وردتک)
تعلّم واکسب اعلوم الخفــــــــــیه
***
انصبغ راسی ابحزن لوعک و حالک (حالک)
النصر مکتوب لجیالک و حالک ( وحی الیک)
اجتمع کل یو بحبابک و حالک ( حلّلک)
الدار اترید من یحمی الثنـــــــــیه
***
یهد گلبی علی حبی واجـره ( اکضه)
ابّطن جوفه الف جمره و جره ( داویه)
لا تمّن اخو صاحب و جره( و جاره)
یخون اویاک برطیله شریــــــه
***
جاسم ثعلبی (حسّانی) 18/04/1392
:: برچسب‌ها:
ابوذیات غاضبات ,
:: بازدید از این مطلب : 2053
|
امتیاز مطلب : 3
|
تعداد امتیازدهندگان : 1
|
مجموع امتیاز : 1
عضو شوید
عضویت سریع
آمار مطالب
آمار بازدید
